الرئيسية
من طرف صرخ وجه الظلام وضج صوته في سماء غرفه
....بعد ماجاد به وصل الستائر والجفا فيني
غدى نصف المكان ونصفه الثاني لقى حتفه
....مدام الشمعدان اللي نخيته مات في عيني
لقيت اسرار مهجوره... وجرحٍ شاقني نزفه
....وقلت اسكن ملامحها ..وأضم الجرح بـ يديني
سقيت الجرح لين انه روى واحتار في عزفه
....فديته ..كم عزف للحب يوم الحب معـــميني
سألته عن ثـــلاث سنين مرت كنها وقفـــه !!
....وتمتم لي بكلمــاتٍ تذكـرني بسكينـــي !
سألته عن هذا الشايب اللي شبت ما أعرفه
....ضحـــك وده يطمني ...بكى كنه يعزينـــي
سألته ليه ياجرح الشقاء طعنتك مختلفه ..؟؟
....تسابق يمها دمي ..وهمي ...وأخضرسنينــي ؟
تذكر وقتها يوم الـــوداع وصابته رجفه
.... شهق كنه يقول ( أسكت دخيلك لا تعنيني )
سألني ( لو حصل وان شفت خلك مرةٍ صدفه ؟؟)
.... نظرت لوجهه الشاحب وكن الموت حــــاديني
وقلت اقصر سواليفي معه مادامها صلفه !!
....وأفرق شمل هذيك الستـــائر كان يمديني
لقيت اني وحيد وكل ماحولي ...لقى حتفه !!
....ولا باقي سوى صـــوت الظلام اللي سكن عيني